اسلام آباد -27 آڪٽوبر(اي پي پي) نائب وزيراعظم ۽ پرڏ??هي وزير سينيٽر محمد اسحاق ڊار چيو آهي، ته گڏيل قومن جي سلامتي ڪائونسل ??ي ٺهرائن ۽ ڪشميري عوام جي خواهشن موجب ڄمون ڪشمير تڪرار جي منصفاڻي ۽ پرامن حل کانسواءِ خطي ۾ پائيدار امن جو قيام ممڪن ناهي، پاڪستان ڪشميري عوام جي جدوجهد ۾ غير متزلزل يڪجهتي سان گڏ آهي ۽ پاڪستان ڪشميري عوام جي خوداراديت واري حق حاصل ڪرڻ لاءِ پنهنجي مڪمل سياسي، اخلاقي ۽ سفارتي حمايت جاري رکندو. نائب وزيراعظم ۽ پرڏ??هي وزير ڪشمير جي ڪاري ڏهاڙي جي مو??عي تي پرڏ??هي آفيس طرفان جاري پنهنجي پيغام ۾ چيو ته 27 آڪٽوبر ڄمون ڪشمير جي تاريخ ۾ هڪ اهم موڙ آهي، 77 سال اڳ اڄ جي ڏينهن ڀارتي فوج سرينگر ۾ داخل ٿي جيڪو خطي لاءِ هڪ ڊگهي ۽ تڪليف ڏيندڙ باب جي شروعات اهي. هن چيو ته گذريل 7 ڏهاڪن دوران ڀارت غيرقانوني طور تي والاريل ڪشمير تي پنهنجو ڪنٽرول مضبوط ڪرڻ لاءِ مختلف طريقا استعمال ڪيا. محمد اسحاق ڊار چيو ته ڀارتي اختيارين پاران کنيل قدمن سميت علائقي جي آبادي ۽ سياسي منظرنامي کي تبديل ڪرڻ جون ڪوششون، گڏيل قومن جي سلامتي ڪائونسل ??ي ٺهرائن ۽ چوٿين جنيوا ڪنوينشن جي سڌي ريت خلاف ورزي آهن. هن چيو ته اڄ هي خطو جبر شدت کي برداشت ڪري رهيو آهي، هزارين سياسي اڳواڻ ۽ ڪارڪن جيل ۾ آهن، 14 سياسي پارٽين تي پابندي لڳائي وئي آهي، ايمرجنسي ۽ دهشتگردي جي روڪٿام وارن سخت قانونن تحت ڀارتي فوج کي وسيع اختيار حاصل آهن، جنهن سبب ڀارتي فوج ڪنهن به ماڻهو کي گرفتار ڪرڻ يا مارڻ ۽ ملڪيتن کي تباهه ڪرڻ جي قدمن م ملوث آهي. پرڏ??هي وزير چيو ته ڀارت جي سمورن ظالماڻن طريقن باوجود ڪشميري عوام جو جذبو ۽ عزم برقرار آهي ۽ ڪشميري عوام انصاف ۽ خوداراديت وارو حق حاصل ڪرڻ لاءِ پرامن جدوجهد جاري رکي رهيو آهي. نائب وزيراعظم چيو ته تازو ئي غيرقانوني طور ڀارتي قبضي هيٺ والاريل ڄمون ڪشمير جي قانون ساز اسيمبلي جون چونڊيون ٿيون هيون جڏهن ته ڪو به اهڙو قدم جيڪو ڀارت جي آئين جي فريم ورڪ تحت ۽ ڀارتي فوج جي وڏي تعداد ۾ موجودگي ۾ ڪيو ويندو آهي ان کي ڪشميري عوام جي جائز خوداراديت واري حق جي متبادل طور نٿو سمجهي سگهجي. هن چيو ته پاڪستان ڏکڻ ايشيا ۾ امن کي هٿي وٺائڻ لاءِ پرعزم آهي. ۽ سمورن پاڙيسري ملڪن سان تعميري لاڳاپن جو خواهشمند آهي. پرڏ??هي وزير چيو ته گڏيل قومن جي سلامتي ڪائونسل ??ي ٺهرائن ۽ ڪشميري عوام جي خواهشن موجب ڄمون ڪشمير تڪرار جي منصفاڻي ۽ پرامن حل کان سواءِ خطي ۾ پائيدار امن جو قيام ممڪن ناهي. هن چيو ته پاڪستان ڪشميري عوام جي جدوجهد ۾ غير متزلزل يڪجهتي سان گڏ آهي ۽ ان جي خوداراديت واري هق حاصل ڪرڻ لاءِ پنهنجي مڪمل سياسي، اخلاقي ۽ سفارتي حمايت جاري رکندو.
