وفاقی وزیر داخلہ محسن نقوی دی اڳواݨی اچ رحیمیار خان ایئرپورٹ تے اعلیٰ سطح اجلاس

رحیم یار خان۔23اگست(اے پی پی)وفاقی وزی?? داخلہ محسن نقوی کچے دے علاقے اچ آپریشنل فورس کیتے حفاظتی اقدامات تے زور ݙیندے فورس کوں جدید ہتھیار اتے سیفٹی آلات ݙیوݨ، اڳو تے اینڄھے واقعیاں توں بچݨ کیتے فوری اقدامات سودھا کچے اچ شرپسنداں دے خلاف موثر اتے مربوط آپریشن دی ہدایت کیتی اے۔ او رحیم یار خان ایئرپورٹ تے اعلیٰ سطح اجلاس دی اڳواݨی کریندے پئے ہن۔ اجلاس اچ کچے اچ تھیوݨ آلے افسوسناک واقعہ تے پنجاب پولیس، پنجاب رینجرز اتے سندھ پولیس بریفنگ ݙتی۔ وزی?? داخلہ محسن نقوی آکھیا جو اے واقعہ ٻہوں افسوسناک اے جو ایندے اچ ساݙے 12 بہادر جوان شہید تھئین، شرپسنداں نال بغیہر کہیں رعایت دے سختی نال نمٹیا ونڄے، حملہ آوراں توں بدلہ ڳھنݨ کیتے ہر حد تئین ویسوں اتے اپݨے بہادر جواناں دی رت دا بدلہ ڳھنݨ تئیں آرام نال نا ٻاھسوں۔ اجلاس اچ انسپکٹرجنرل پولیس پنجاب ، ڈی جی رینجرز پنجاب، سی ٹی ڈی پنجاب، پنجاب و سندھ پولیس دے اعلیٰ حکام شرکت کیتی۔